За медиуми

Јапанетмк, единствената организација која се занимава со промовирање на јапонска кутура во земјава го објави датумот и местото на годинешниот фестивал за јапонска култура (трет по ред) со ново име Сакура фестивал.

Овој фестивал воедно ќе го обележи и јубилејот на 30 годишнината од воспоставувањето на јапонско-македонските дипломатски односи на 1 јуни во МКЦ.

Во нивните објави најавуваат тема која ќе се занимава со природата и одржливоста, односно како да научиме од таа далечна источна култура да ја почитуваме и да живееме во склад со природата градејќи си подобра иднина. 

Од Јапан@мк ни одговорија дека промената на името на фестивалот од „Нихон џи“ во „Сакура“ е поради тоа што сакаат симболично да ја раскажат нивната приказна за непостојаноста на убавината, која треба да ја доживуваме и негуваме кога се случува околу нас. Црешовиот цвет Сакура е важен јапонски симбол и е момент кој ги повикува луѓето да застанат и да го доживеат моментот восхитувајќи се на она што е минливо. 

На тој начин Сакура фестивалот се обидува да ги претстави пред нашата публика креативните и квалитетни луѓе од нашата земја во еден простор со заедничка инспирација од една далечна источна земја, повикувајќи кон општествена одговорност и негување на вредности како солидарност, соработка и себеунапредување.

Слоганот за оваа година е „Расцути ја иднината“ фрлајќи светло на нашата лична одговорност и ангажираност за тоа каква иднина ќе доживееме како како заедница.

Од Јапан@мк најавуваат многу богата програма опфаќајќи уметнички изложби, настапи и перформанси, панел дискусии, мода, презентации, боречки вештини, гејминг и многу забава. Секако ќе може да се проба и јапонска храна и да се набават сувенири.

Фестивалот оваа година ќе се одвива во Младинскиот Културен Центар на 1 Јуни

Деталната програма и учесниците ќе се најавуваат постепено.