Сакура

Кирил Сотировски е професор на Факултетот за шумарски науки, пејзажна архитектура и екоинженеринг „Ханс Ем“. Негова потесна експертиза е фитопатологијата, а во последните години истражува различни аспекти поврзани со урбаното зеленило.

За фестивалот, проф. Сотировски подготви филм во кој спојува две свои страсти – видеографијата и јапонските градини, на кои се воодушевувал од својата најмала возраст. Во филмот, преку несекојдневна и оригинална видео естетика, се претставуваат неколку од најпознатите паркови во Јапонија, и се објаснуваат нивните најважни аспекти, како и некои од најважните генерални принципи од јапонската пејзажна архитектура.

Неговата општа фасцинација со јапонската култура, е особено поттикната со принципите отелотворени во јапонските градини. Тој е вљубен во прецизното внимание кон деталите и спокојната елеганција на овие пејзажи, во кои секој камен, секое растение и секоја патека раскажуваат приказна за рамнотежа и за хармонија. Идејата за ваби-саби, пронаоѓање убавина во несовршеноста, длабоко одекнува во него, постојано потсетувајќи го да го цени ефемерното и да ја прифаќа исконската едноставност на животот. Низ јапонските градини тој открива не само културна традиција, туку длабока филозофија која поттикнува внимание, почит кон природата и длабоко чувство на поврзаност со неа.