Дискографската куќа на Самоил Радински со албуми на 6 јапонски музичари
Самоил Радински е диџеј/продуцент кој активно ја промовира електронската музика од самиот почеток на движењето. Покрај работата како диџеј, тој работи и на сопствена музичка продукција Logos Recordings на која има 6 јапонски артисти.
Како се случи да отвориш дискографска куќа?
Периодот пред да започнам добивав многу неиздадена музика од Јапонија, Америка, Италија, Франција, Белгија, Русија, Африка. Имаше неверојатни композиции кои и денес звучат свежо и безвременски. Работев на своја продукција и комуницирав со наши продуценти и така добив желба за своја дискографска куќа. Склучив договор со Холандските дистрибутери EPM – Music и во ноември 2007 год го издадов првото издание со артист од Македонија Deleuzian, потоа следеше уште еден наш артист Игор Зотиќ. Детроит артистот Niko Marks реномиран музичар кој настапува со Stevie Wonder и Inner City. Четвртото издание е на еден неверојатен талент од Јапонија - Ryo Shimizu, и така започнува приказната со Јапонските артисти: Itokim, Yasuo Sato, Takasi Nakajima, Miruga, Tatsuya Takenaka. Во 2008 година започна музичката платформа Soundcloud, а за кратко време на нејзе имаше огромен избор на неиздадена музика и многу талентирани музичари. Logos Recordings почна да добивa одлични критики и подршка од сите реномирани институции и врвни светски артисти: BBC Radio, Boiler Room, Arte TV, Laurent Garnier, UR, Ian Poly, Glenn Underground, Ben Sims, Dave Clarke.
Македонија до скоро имаше одлича андерграунд сцена а има и сега доста нови артисти, можда фали некое андергранд клубче, дефинитивно имаме многу подобра андерграунд сцена од многу држави.
Кои се твоите највпечатливи музички соработки?
Kако дј сум настапувал со многу реномиран артисти како Derrick May, Kenny Larkin, Jeff Mills, Carl Craig, DJ Bone, Octave One, Vince Watson и многу други.
Кој е твојот омилен јапонски музичар?
Не можам да одвојам еден има многу добри музичари во Јапонија, започнувајќи со легедарниот Ryuichi Sakamoto, фанк мајсторот Taeko Ohnuki, техно дј-от Ken Ishi и поновите таленти како Yasuo Sato, Takasi Nakajima, Kuniyuki Takahashi, Manabu Nagayama.
